Уильям Н. (Билл) Андерсон Байқаушы кеңесінің шешімі бойынша Bayer жаңа бас директоры болып тағайындалды, 2023 жылдың 1 маусымынан бастап өз қызметіне кірісті.
 

Билл Андерсон 1966 жылы 23 тамызда АҚШ-тың Техас штатындағы Огайо қаласында дүниеге келген. Ол химиялық инженерия саласында білім алды: Техас университетінің ғылым бакалавры және Массачусетс технологиялық институтының ғылым магистрі дипломы. Ол сонымен қатар Массачусетс технологиялық институты жанындағы Слоун Менеджмент мектебінде ғылым магистрі дипломын алды.
 

Билл өзінің кәсіби мансабын 1989 жылы Бельгия мен Нидерланды елдерінде жұмыс істей отырып, американдық мамандандырылған химиялық Еthyl Corporation компаниясында бастады. 1995 жылы ол энергетика және электроникаға арналған компоненттерді шығарумен айналысатын американдық Raychem Corporation фирмасына қосылды. 1997 жылы Билл американдық Biogen биологиялық фирмасына қаржы директоры позициясына ауысты. Содан кейін ол Ұлыбританиядағы қосылма ұйымының бас директоры атанды және уақыт өте келе Biogen неврологиялық бөлімшесі вице-президентінің позициясын алды. Билл революциялық биотехнологияны дамытатын Genentech компаниясына қосылды, 2006 жылы компанияның онкологиялық бизнес-бөлімшесінің аға вице-президенті лауазымына ие болды.
 

2013 жылы ол Genentech компаниясының Roche Pharmaceuticals бас компаниясына жаһандық өнім стратегиясын әзірлеу бөлімінің басшысы және маркетинг жөніндегі директоры лауазымына ауысты. 2016 жылы ол Genentech компаниясына оралып, Солтүстік Америкадағы операциялық бөлімінің басшысы лауазымын алды, содан кейін 2017 жылы компанияның бас директоры атанды. 2019 жылы Билл Швейцарияда орналасқан Roche Pharmaceuticals компаниясының бас директоры болды.
 

Билл Андерсон үйленген және үш ересек баласы бар.